هل افطرت دعاء سلطان في نهار رمضان بالهند ؟

دعاء سلطان - هل افطرت دعاء سلطان في نهار رمضان بالهند

نشرت الاعلامية دعاء سلطان صورا لها اليوم 5/8/2012 من امام تاج محل بالهند  علي صفحتها الشخصية والمفاجأه  كانت في صورة وهي تحمل زجاجة مياة في يدها .. 
وبجانبها شخص يحمل زجاجة هو الاخر .
مما استفز رواد صفحتها علي الفيس بوك ،وعندما تسائل معجبيها علي صفحتها الشخصية عن كنة الزجاجة  كانت ردودها تحمل من التوتر ما يثبت فعلا ان ان السؤال قد سبب حرجا ما  .ومع الحاح رواد صفحتها علي السؤال كانت اجابتها كاتالي : 


 - الصورة دى بالنهار واحنا المفروض فى رمضان يعنى المفروض صايمين ايه بقا زجاجة الميه دى بتعمل ايه فى ايدك ؟


 -  فاطرة ليه؟! هو انت عارف الصورة دي كانت الساعة كام مثلا؟!! لما اشوفك ماسك صينية كنافة وانت مروح بيتك ده معناها انك فاطر؟! ولا ده معناها ان اللي يفكر بالطريقة دي يبقى قليل الادب وسافل وسيء النية؟!

وانهالت التعليقات تسخر من اجابتها مما جعلها ترد باجابة اخري : 

- لا طبعا ما باردش على الغباوة هو حضرتك وحضرتها عايزيني ارد واقولكم: والله العظيم صايمة.. لا يا شطار انا مابتكلمش في الحاجات دي اصلا ولو حتى قدام النيابة:))

وما بين تعليقات السخرية والاستهزاء علي موضوع الزجاجة بدأ المعجبين في انتقاد ملابس دعاء سلطان والسخرية منها 

كان ردها الاخير :
-  حلوة جدا فكرة جراتكم وتجرأكم في الكلام عن المرأة ده طبعا قبل ما حد ناصح يرد ويقول هو انتي مرأة اصلا:)) والألطف بقى تجرأكم في الاتهامات قدام حد رفض أصلا يرد وانتوا كبرتوا دماغكم وعملتوا نفسكم جزم ومش حاقول عملتوا نفسكم هنود عشان الهنود أطيب منكم بمراااااااااااحل



وفي توضيح ثاني لها  : 
في الهند بمهرجان سينما ونزلت صور لرحلة لتاج محل ولسة حانزل صور تاني غير اللي نزلتها:) بس دي نقطة نظام عشان الغباوة استشرت:) صايمة ولا مش صايمة. انت ما تعملش نفسك فتوة وقح وقليل الادب وواطي لربنا وانت متخيل انك بتتكلم عن الفضيلة دفاعا عن الدين بقى ولا الاخلاق ولا ايه حاجة..انا مش بارد على الهطل ده ابدا ولو حاتعدم ومطلوب اعترف قدام القاضي، فصيامي او فطاري مايدخلش في قضية ابدا، وحاقول للقاضي اللي عارفة انه حايعدمني: مالكش دعوة أنا صايمة ولا فاطرة .مش حاثبت قدامك انا صايمة ولا مش صايمة.عارف ليه؟! عشان لو صمت يبقى لربنا ولو فطرت يبقى هو يحاسبني، هو شايف وعارف ومضطلع ومش محتاج وساختك وسفالتك عشان تعمل فتوة على مخاليقه اللي مش عاجبينك، وصدموك بانطلاقهم وحيوتهم وونجاحهم وقدرتهم على انهم يعيشوا الحياة. اللي انت مش عارف تعيشها رغم انك تقدر. ها انت صايم ولا فاطر بقى؟ رد عليا رد يكسفني وقوللي: وانتي مالك

وتوضيح اخيرا لها : انها كانت تستخدم زجاجات المياة لترطيب حرارة الجو
فهل كانت الصورة في نهار رمضان بالفعل ؟ ولماذا الاجابات السابقة التي تتناقد مع الاجابة الاخيرة فضلا عن شخص يحمل زجاجة بها مياة باللون الاسود !



 فهل  افطرت دعاء سلطان ورفاقها بالهند - كان يكفي من الاعلامية دعاء سلطان ان ترد باجابة قاطعة علي رواد صفحتها بالنفي وذكر وقت الصورة او تكون الاجابة الاخيره هي اول الاجابات .


وبعيدا عن الصورة نقول ان الله تعالي قد منح من الرخص والاعذار الكثيره مما يهون به علي عبادة  وان ليس من حق احد ان يتدخل في حرية شخص ما او يرمية بتهمة ما بغير دليل . 

الجدير بالذكر ان الاعلامية دعاء سلطان تلقي الكثير من النقد علي صفحتها الشخصية 
بسبب تعليقاتها علي الاحداث الاخيرة بما لا يعجب البعض  .

منوعات 7:49 م